200 manna fjöldatakmörk á tjaldsvæðum og breyting á fræðslustarfsemi.
Starfsemi Vatnajökulsþjóðgarðs hefur þurft að aðlaga sig að gildandi takmörkunum á samkomum og öðrum sóttvarnartilmælum.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F6879366a-782b-4895-ae7a-529a6b5bbf40_2021%2B07%2B27%2B-%2B200%2Bmanna%2Bfjoldatakmarkanir-HA.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Á nokkrum svæðum fela auknar sóttvarnir og takmarkanir í sér aukið umfang, þrif og eftirlit og þar með er því miður ekki bolmagn til að sinna t.d. fræðsluverkefnum. Á öllum tjaldsvæðum er 200 manna fjöldatakmark og 1 metra reglan gildir á öllum svæðum. Þjóðgarðurinn hvetur gesti til að huga vel að persónulegum sóttvörnum.
Starfsmenn þjóðgarðsins munu engu að síður gera sitt besta til að taka á móti gestum undir þessum sérstöku kringumstæðum.
Það á því ekkert að vera því til fyrirstöðu, að uppfylltum öllum gildandi takmörkunum, að gestir geti átt góða stund í Vatnajökulsþjóðgarði og notið gæða hans.
Yfirlit yfir breytingar á starfsemi:
Tjaldsvæði í Ásbyrgi - Sjá nánar hér
Tjaldsvæði í Skaftafell - Sjá nánar hér
Kirkjubæjarklaustur og nágrenni, Lakagígar, Eldgjá, Nýidalur:
Boðið er upp á fræðsluferðir samkvæmt áður auglýstri dagskrá. Á ábyrgð þátttakenda að virða fjarlægðarmörk.
Skaftafell og Jökulsárlón: Áður auglýstar fræðsluferðir og barnastundir falla niður.
Heinaberg: Boðið er upp á fræðsluferðir samkvæmt áður auglýstri dagskrá. Á ábyrgð þátttakenda að virða fjarlægðarmörk.
Gamlabúð, Höfn: Barnastundir felldar niður
Snæfellsstofa og Hengifoss: Áður auglýstar fræðsluferðir og barnastundir falla niður.
Snæfell, Kverkfjöll, Hvannalindir, Herðubreiðarlindir, Askja, Holuhraun:
Boðið er upp á fræðsluferðir samkvæmt áður auglýstri dagskrá. Á ábyrgð þátttakenda að virða fjarlægðarmörk.
Ásbyrgi og Dettifoss: Áður auglýstar fræðsluferðir og barnastundir falla niður.