Starfsstöðvar
Hjá Vatnajökulsþjóðgarði starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarðsins.
Að staðaldri starfa rúmlega 30 manns hjá þjóðgarðinum en yfir sumartímann fer starfsmannafjöldi yfir 100. Þjóðgarðurinn rekur nú fimm gestastofur. Þær eru: Gljúfrastofa í Ásbyrgi, Gígur gestastofa við Mývatn, Snæfellsstofa á Skriðuklaustri, Skaftafellsstofa í Skaftafelli og Skaftárstofa á Kirkjubæjarklaustri.
Yfir sumartímann teygir starfsemi þjóðgarðsins sig vítt um garðinn en á veturna, þegar hálendinu er lokað, einskorðast hún við færri staði. Á kortinu hér sjást gestastofur, landvörslu- og starfsstöðvar þjóðgarðsins. Aðsetur þjóðgarðsins er á Höfn. Margvíslegri stoðþjónustu er sinnt frá skrifstofum á Höfn, Fellabæ, Akureyri og Reykjavík. Krafturinn á bak við þjóðgarðinn liggur ekki einungis í einstakri náttúru, heldur einnig í kröftugu og ánægðu starfsfólki.
Gestastofur og skrifstofa: Símanúmer og netföng
| Gestastofa/skrifstofa | Heimilisfang | Símanúmer | Netfang |
|---|---|---|---|
| Gígur gestastofa | Skútustöðum, 660 Mývatn | 470 7110 | [email protected] |
| Gljúfrastofa | Ásbyrgi, 671 Kópasker | 471 7100 | [email protected] |
| Skaftafellsstofa | Skaftafelli, 785 Öræfi | 470 8300 | [email protected] |
| Skaftárstofa | Sönghól, 881 Kirkjubæjarklaustur | 470 0409 | [email protected] |
| Skrifstofa | Litlubrú 2, 780 Höfn | 575 8400 | [email protected] |
| Snæfellsstofa | Skriðuklaustri, 701 Egilsstaðir | 470 0840 | [email protected] |
Landvörslustöðvar: Símanúmer og netföng
| Landvörslustöð | Símanúmer | Netfang |
|---|---|---|
| Askja (Drekagil) | 842 4357 | [email protected] |
| Breiðamerkursandur (Jökulsárlón) | 842 4355 | [email protected] |
| Eldgjá (Hólaskjól) | 842 4379 | [email protected] |
| Herðubreiðarlindir | 842 4357 | [email protected] |
| Hrauneyjar | 842 4238 | [email protected] |
| Hvannalindir | 842 4368 | [email protected] |
| Kverkfjöll | 842 4369 | [email protected] |
| Laki | 842 4358 | [email protected] |
| Nýidalur | 842 4377 | [email protected] |
| Snæfell | 842 4367 | [email protected] |
Landvörslustöðvar
Landvörslustöðvar eru aðsetur landvarða og jafnframt miðstöðvar fyrir upplýsingjagjöf og fræðslu í formi gönguferða eða annarra miðla eftir aðstæðum.
Landvörslustöðvar eru staðsettar þar sem tryggt er að þær þjóni hlutverki sínu og nái til gesta sem fara um svæðið. Þaðan sinna landverðir daglegu eftirliti innan þjóðgarðsins og á friðlýstum svæðum í umsjá hans. Landvörslustöðvar geta verið reknar í samstarfi við fleiri aðila og þar sem þess er kostur er reynt að nýta bæði húsakost og aðra þjónustu sem þegar er fyrir hendi.
Hlutverk landvarða og annarra starfsmanna getur verið með ólíkum áherslum á milli landvörslustöðva. Það sama á við um aðbúnað starfsmanna á hverjum stað.