Störf í boði
Hjá Vatnajökulsþjóðgarði starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarðsins.
Að staðaldri starfa rúmlega 50 manns hjá þjóðgarðinum en yfir sumartímann fer starfsmannafjöldi yfir 120. Höfuðstöðvar þjóðgarðsins eru á Höfn í Hornafirði og aðrar starfsstöðvar eru Ásbyrgi, Mývatnssveit, Skriðuklaustur/Fellabær,Skaftafell, Kirkjubæjarklaustur og á höfuðborgarsvæðinu. Krafturinn á bak við þjóðgarðinn liggur ekki einungis í einstakri náttúru, heldur einnig í kröftugu og ánægðu starfsfólki.
Sumarstörf í Vatnajökulsþjóðgarði
Hvernig hljómar sumar í náttúru Íslands?
Náttúruverndarstofnun auglýsir nú fjölbreytt störf landvarða og þjónustufulltrúa laus til umsóknar. Umsóknarfrestur er til og með 17. febrúar 2025.
Náttúruverndarstofnun leitar að metnaðarfullum og jákvæðum einstaklingum til að ganga til liðs við frábæran hóp landvarða og þjónusutfulltrúa sem starfa á friðlýstum svæðum og í þjóðgörðum víðs vegar um landið. Auglýst er eftir landvörðum á láglendi og hálendi í sumarstörf ásamt þjónustufulltrúum í fjölbreytt störf í gestastofum og á tjaldsvæðum.
Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar, sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.
Almenn umsókn
Viltu vera á skrá hjá okkur?
Mikilvægt er að taka fram í umsókninni hvar á landinu þú kýst að starfa og hvernig starfi þú leitar að. Eingöngu er ráðið í tímabundnar stöður eftir þessari leið. Allar ótímabundnar stöður eru auglýstar og þarf að sækja sérstaklega um þær.