43 skólahópar á árinu 2021
Eitt af okkar skemmtilegustu verkefnum í Vatnajökulsþjóðgarði er móttaka skólahópa og fáum við heimsóknir frá öllum stigum skólakerfisins. Skipulögð fræðsla til skóla og móttaka skólahópa er stunduð á öllum starfsvæðum Vatnajökulsþjóðgarðs. Nokkrir skólar í nágrenni Vatnajökulsþjóðgarðs heimsækja hann árlega.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fc289bce7-fa5f-4e71-9763-de5c9f62ed9e_2022%2B01%2B05_43%2Bsk%25C3%25B3lah%25C3%25B3par%2B%25C3%25A1%2B%25C3%25A1rinu%2B2021.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Skólahópar heimsækja gestastofur, fá kynningu frá starfsfólki og vinna þematengd verkefni. Gönguferðir og útivera í náttúru er hluti af heimsókn í Vatnajökulsþjóðgarð. Gestastofur bjóða líka skólum að koma í heimsókn til dæmis í kringum Dag íslenskrar náttúru. Starfsfólk þjóðgarðsins fer í skólaheimsóknir og kynnir náttúru og sögu þjóðgarðsins. Lögð er áhersla á að kynna nemendum nærumhverfi sitt, fræða um náttúruvernd, umhverfismál og sjálfbærni.
Árið 2021 var tekið á móti 43 skólahópum og fengu um 700 nemendur að kynnast Vatnajökulsþjóðgarði. Öll skólastig fengu fræðslu, frá leikskóla upp í háskóla. Fjölmennasti hópurinn sem fékk kynningu voru grunnskólabörn. Algengast er að grunnskólabörn komi í skólaheimsókn á vorin eða haustin.
Fræðsla um náttúru og náttúruvernd, sögu, mannlíf og menningarminjar er eitt að meginmarkmiðum Vatnajökulsþjóðgarðs. Við erum stolt af því að geta veitt skólum í nærumhverfi garðsins góða þekkingu á sinni heimabyggð og í samstarfi við skóla styrkt þekkingu og menntum barna og unglinga.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F208dc13c-19e8-4644-85c8-f935d620943a_2022%2B01%2B05_43%2Bsk%25C3%25B3lah%25C3%25B3par%2B%25C3%25A1%2B%25C3%25A1rinu%2B2021%2B%25282%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1125%26h%3D844&w=3840&q=80)
Starfsmenn Grunnskóla Hornafjarðar ásamt Sigrúnu landverði við Sjónarnípu í Skaftafelli, hvar nemendur skólans fóru í gönguferð haustið 2021.
Við tökum fagnandi á móti skólahópum á öllum aldrei sem vilja heimsækja Vatnajökulsþjóðgarð. Allar heimsóknir og kynningar eru skólum að kostnaðarlausu. Best er að hafa sambandi við næstu gestastofu Vatnajökulsþjóðgarðs ef áhugi er að fá að koma í heimsókn eða fá heimsókn frá þjóðgarðinum.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F187e8a2b-8e8e-49b9-9f64-ba47cacfc3b9_2020%2B01%2B05_43%2Bsk%25C3%25B3lah%25C3%25B3par%2B%25C3%25A1%2B%25C3%25A1rinu%2B2021%2B%25283%2529.png%3Fauto%3Dformat%26crop%3Dfaces%252Cedges%26fit%3Dcrop%26w%3D564%26h%3D336&w=1200&q=80)
Heildarfjöldi nemenda sem heimsótti gestastofur Vatnajökulsþjóðgarðs á árinu 2021. Við birtingu fréttar var rangt súlurit sett inn. Súluritið var uppfært 10.1.2022.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fa5bbcbb9-3315-4c8a-b4de-822ce0a52a24_2022%2B01%2B05_43%2Bsk%25C3%25B3lah%25C3%25B3par%2B%25C3%25A1%2B%25C3%25A1rinu%2B2021%2B%25284%2529.png%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D1161&w=3840&q=80)
Vatnajökulsþjóðgarður & heimsmarkmiðin
Heimsóknir skólahópa tengast eftirfarandi heimsmarkmiðum
4. Menntun fyrir alla
13. Aðgerðir í loftslagsmálum