Norræn heimsminjaráðstefna á Kirkjubæjarklaustri 4.-8. september
Vatnajökulsþjóðgarður heldur norræna heimsminjaráðstefnu á Kirkjubæjarklaustri.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F6da02b40-b477-4772-958a-d16f8fe3d9cd_Laki%2B%25C3%25BAr%2Blofti_SB.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Vatnajökulsþjóðgarður heldur norræna heimsminjaráðstefnu. Ráðstefnan fer fram á Kirkjubæjarklaustri og stendur í tvo daga en einnig er möguleiki á að ferðast um þjóðgarðsinn og nærsvæði hans fyrir og eftir ráðstefnu.
Þema ráðstefnunnar í ár er samfélag og samvinna - í takt við náttúruna. Þemað tengist heimsmarkmiði 8. Góð atvinna og hagvöxtur með áherslu á undirmarkmið 8.9 að eigi síðar en árið 2030 hafi verið mótuð og innleidd stefna í því skyni að stuðla að sjálfbærri ferðaþjónustu sem skapar störf og leggur áherslu á staðbundna menningu og framleiðsluvörur. Á dagskrá ráðstefnunnar eru innlendir og erlendir fyrirlesarar af fagfólks og sérfræðinga í heimsminjum, rannsóknum, náttúruvernd og ferðaþjónustu, svo eitthvað sé nefnt.
Í tilefni ráðstefnunar verður heimsminjaskjöldur svæðisins afhjúpaður en Vatnajökulsþjóðgarður komst á heimsminjaskrá árið 2019 og verður settur upp skjöldur á hverju rekstarsvæði hans. Herra Guðni Th. Jóhannesson forseti Íslands mun afhjúpa skjöldinn. Ráðstefnan er líka fyrsti viðburðurinn í glænýrri gestastofu vestursvæðis Vatnajökulsþjóðgarðs við Sönghól.