Anna Ragnarsdóttir Pedersen ráðin til starfa á austurhluta suðursvæðis
Anna Ragnarsdóttir Pedersen hefur verið ráðin sem aðstoðarþjóðgarðsvörður á austurhluta suðursvæðis Vatnajökulsþjóðgarðs.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F1e877e7e-eddf-4cf5-b14d-cd841f0b4b10_Anna%2BRagnarsd%25C3%25B3ttir%2BPedersen.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Anna Ragnarsdóttir Pedersen hefur verið ráðin sem aðstoðarþjóðgarðsvörður á austurhluta suðursvæðis Vatnajökulsþjóðgarðs og mun hefja störf í febrúar 2024.
Anna er með diplómu í umhverfis og auðlindafræði, BA í þjóðfræði og landvarðarréttindi.
Anna hefur víðtæka reynslu af landvörslu en hún starfaði sem landvörður frá 2012-2018 í Skaftafelli, Laka og á Höfn.
Undanfarin ár hefur Anna tekið að sér fjölbreyttar verkefnastjórastöður á Höfn, sem verkefnastjóri umhverfismála hjá Sveitarfélaginu Hornafirði, verkefnastjóri hjá Nýheimum-þekkingarsetri og sem verkefnastjóri íslenskunámskeiða hjá Fræðsluneti Suðurlands.
Anna er í sambúð með Emil Morávek og eiga þau tvö börn.
Starf aðstoðarþjóðgarðsvarðar á austurhluta suðursvæðis er með aðsetur á Höfn í Hornafirði. Svæði sem falla undir austurhluta suðursvæðis eru meðal annars Fjallsárlón, Jökulsárlón, Breiðamerkursandur og Heinaberg.
Vatnajökulsþjóðgarður býður Önnu hjartanlega velkomna aftur til starfa.