Engin hjólahelgi í Jökulsárgljúfrum í ár – ný hjólaleið í boði
Fjöldi fyrirspurna berst þessa daga þess efnis hvort hjólahelgi verði í Jökulsárgljúfrum þetta árið. Stutta svarið við því er nei; engin hjólahelgi verður þetta árið. Ástæða þess er fyrst og fremst þessi:
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F63895507-5c04-4664-854d-1207f8ede2dc_2019%2B08%2B20%2B-%2Bhjolahelgi%2Baflyst.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Jökulsárgljúfur njóta sívaxandi vinsælda meðal hjólreiðamanna og óhætt er að segja að þar hafi orðið sprenging í notkun reiðhjóla á síðustu tveimur árum. Óvíst er hversu margir hefðu mætt með reiðhjól í Jökulsárgljúfur hefði hjólahelgi verið haldin í ár, en gróflega áætlað komu um 100 manns með reiðhjól á hjólahelgi 2017 og um 200 manns á hjólahelgi 2018. Aflýsa þurfti fyrirhugaðri hjólahelgi í lok sumars 2019 vegna tíðarfars og ástands göngustíga. Að mati þjóðgarðsvarðar, byggt á fenginni reynslu, er engin skynsemi í því að efna til viðburðar sem þessa nema að eitthvað skipulag sé á framkvæmdinni og einhver rammi utan um þátttakendur, t.a.m. fjölda þeirra. Slíkt utanumhald er hvorki í verkahring né á færi þjóðgarðsins.
Að þessu sögðu er rétt að benda á það að þjóðgarðurinn hefur í sumarið unnið að lagfæringum á leiðum innan þjóðgarðsins, m.a. til að skapa nýja möguleika fyrir reiðhjólamenn. Þannig er nú búið að skilgreina nýja reiðhjólaleið frá Langavatnshöfða ofan Vesturdals alla leið niður í Ás við Ásbyrgi. Þessi leið er 12 km löng og byrjar á Langavatnshöfða, fer þaðan að Rauðhólum og meðfram Jökulsárgljúfrum alla leið að Kúahvammi. Frá Kúahvammi er farið þvert í vestur inn á Ásheiði og svo niður eftir gömlu reiðleiðinni að Ási. Það er svo 1,5 km til viðbótar á vegi niður í Ásbyrgi. Kort af leiðinni má finna hér og GPS-feril hér.
Stefnt er á frekari endurbætur á hjólaleiðum innan þjóðgarðsins næsta sumar.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fee420770-1576-4a35-9aa8-8ca89aac3057_2020%2B08%2B20_Engin%2Bhj%25C3%25B3lahelgi%2B%25C3%25AD%2BJ%25C3%25B6kuls%25C3%25A1rglj%25C3%25BAfrum%2B%25C3%25AD%2B%25C3%25A1r%2B%25E2%2580%2593%2Bn%25C3%25BD%2Bhj%25C3%25B3lalei%25C3%25B0%2B%25C3%25AD%2Bbo%25C3%25B0i.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1200%26h%3D1697&w=3840&q=80)