Fráveituframkvæmdir í Skaftafelli
Vatnajökulsþjóðgarður fékk árið 2019 úthlutað 130 milljónir úr landsáætlun um uppbyggingu innviða til að betrumbæta fráveitumannvirki í Skaftafelli. Undirbúningur framkvæmda hefur staðið yfir síðan um mitt ár 2019 og stefnt er að því að framkvæmdum ljúki vorið 2021.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Febabcbfc-eb60-4adf-bd9f-e15d63d83093_2020%2B11%2B25_Fr%25C3%25A1veituframkv%25C3%25A6mdir%2B%25C3%25AD%2BSkaftafelli.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Útboð vegna hreinsimannvirkja fór fram vorið 2020 og var tilboði Varma og Vélaverks tekið. Kostnaður vegna kaupa á hreinsimannvirkjum er 57 milljónir. Í sumar fór svo fram útboðsferli vegna jarðvinnu og lagna sem lauk í byrjun október 2020 og framkvæmdir eru hafnar. Lægstbjóðandi var Rósaberg ehf og var tilboðið hljóðaði upp á rétt rúmlega 61 milljón króna. Eftir framkvæmdirnar verður áfram þörf á að tæma seyru sem fellur til en hreinsibúnaðurinn gerir þjóðgarðinum kleift að nýta seyruna til uppgræðslu. Möguleikar á niðurfellingu á seyru eru nú í skoðun.
Önnur verkefni tengd Skaftafelli
Nefna má að mörg önnur verkefni eru í gangi í Skaftafelli en Vatnajökulsþjóðgarður fékk úthlutað 70 milljóna aukafjárveitingu vegna átaksverkefna sem tengjast Covid19 faraldrinum. Meðal þeirra verkefna sem unnið er að má nefna nýja 240 m² skemmu sem mun m.a. rýma varaafl, vatnsveitu og rafmagnsdreifingu í Skaftafelli, nýja 340 kW varaaflsstöð, dælubúnað vegna vatnsveitu og hitaveitu ásamt lagfæringu á gönguleið frá Hundafossi að Svartafossi. Einnig er hafin vinna við að skýra framtíðarsýn fyrir Skaftafell sem lykilþjónustustað á suðursvæði þjóðgarðsins ásamt framkvæmdum við útisýningu sem mun efla fræðslu á svæðinu og er styrkt og unnin í samstarfið við Vini Vatnajökuls.
Árin 2020 til 2021 verða því mjög annasöm í Skaftafelli vegna verkefna sem stefnt er að ljúki vorið 2021.
Verkefnið tengist neðangreindum heimsmarkmiðum, nánar um Vatnajökulsþjóðgarður & heimsmarkmiðin
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F2641382f-c5aa-4188-975d-73a8a2fbb96c_2020%2B11%2B25_Fr%25C3%25A1veituframkv%25C3%25A6mdir%2B%25C3%25AD%2BSkaftafelli%2B%25282%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D924%26h%3D924&w=1920&q=80)
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fe9fcd655-806e-4b00-8045-4982571c9661_2020%2B11%2B25_Fr%25C3%25A1veituframkv%25C3%25A6mdir%2B%25C3%25AD%2BSkaftafelli%2B%25283%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D923%26h%3D924&w=1920&q=80)
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F939818bb-b5fa-48eb-985f-38213dbe96ad_2020%2B11%2B25_Fr%25C3%25A1veituframkv%25C3%25A6mdir%2B%25C3%25AD%2BSkaftafelli%2B%25284%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D923%26h%3D924&w=1920&q=80)
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fe1976cca-b5c4-4df2-9e2c-0687017b69a3_2020%2B11%2B25_Fr%25C3%25A1veituframkv%25C3%25A6mdir%2B%25C3%25AD%2BSkaftafelli%2B%25285%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D924%26h%3D923&w=1920&q=80)