Gestastofa á Kirkjubæjarklaustri
Undirbúningur byggingar gestastofu Vatnajökulsþjóðgarðs á Kirkjubæjarklaustri hefur staðið yfir í nokkur ár, í náinni samvinnu við Skaftárhrepp og fleiri hagsmunaaðila.Þáverandi umhverfis- og auðlindaráðherra Sigrún Magnúsdóttir undirritaði samning um gestastofuna á Kirkjubæjarklaustri þann 19. nóvember 2016 og síðan hefur verið unnið að undirbúningi og hönnun.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fc149765a-1ae6-4057-801b-6b224b9c4466_2020%2B04%2B03_gestastofa%2B%25C3%25A1%2BKirkjub%25C3%25A6jarklaustri.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Lóð undir gestastofu á Kirkjubæjarklaustri er vestan við Skaftá beint á móti byggðinni á Kirkjubæjarklaustri og er hún höfðingleg gjöf til Vatnajökulsþjóðgarðs frá Magnúsi Þorfinnssyni landeiganda. Fjármögnun gestastofu hefur verið á fjárlögum í nokkrum áföngum allt frá árinu 2016 og er áætlaður byggingakostnaður um 650 milljónir króna. Umsjón með framkvæmdinni er í höndum Framkvæmdasýslu ríkisins og er gestastofan nú tilbúin til útboðs og má því búast við því að jarðsvegframkvæmdir hefjist á næstu mánuðum.
Þetta er sannkallað fagnaðarefni, sérstaklega á óvissutímum sem þessum, þegar atvinnuskapandi verkefni geta verið byggðarlaginu mikilvæg styrking.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F1f03362d-7694-4eab-9622-01cf21a9cc42_2020%2B04%2B03_gestastofa%2B%25C3%25A1%2BKirkjub%25C3%25A6jarklaustri%2B%25282%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D923&w=3840&q=80)
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F753fc06c-4e58-4754-b846-32d512b2fe3d_2020%2B04%2B03_gestastofa%2B%25C3%25A1%2BKirkjub%25C3%25A6jarklaustri%2B%25283%2529.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D923&w=3840&q=80)