Helga Hvanndal Björnsdóttir ráðin sem aðstoðarþjóðgarðsvörður í afleysingu

Helga Hvanndal Björnsdóttir hefur verið ráðin sem aðstoðarþjóðgarðsvörður í afleysingu til 12 mánaða vegna fæðingarorlofs. Helga verður með starfsaðstöðu í Mývatnssveit og hefur þegar hafið störf.

Helga er með BA gráðu í heimspeki og MSc í umhverfis- og auðlindafræði.

Helga kemur úr starfi sem verkefnastjóri umhverfismála hjá Seltjarnarnesbæ.

Hún hefur starfað sem landvörður víðsvegar um landið frá árinu 2016, nú síðast sem yfirlandvörður á norðurhálendi og verið virk í margs konar félagsstarfi tengt umhverfismálum.

Við bjóðum Helgu hjartanlega velkomna til starfa!