Hjólahelgi í Jökulsárgljúfrum aflýst
Hjólahelgi sem vera átti Jökulsárgljúfrum dagana 23. til 25. ágúst 2019 hefur verið aflýst,
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F63895507-5c04-4664-854d-1207f8ede2dc_2019%2B08%2B20%2B-%2Bhjolahelgi%2Baflyst.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.62%26fp-y%3D0.50%26w%3D1640%26h%3D820&w=3840&q=80)
Hjólahelgi sem vera átti Jökulsárgljúfrum dagana 23. til 25. ágúst 2019 hefur verið aflýst. Ástæðan er bleyta og eðja á göngustígum, en hvort tveggja leiðir til hættu á skemmdum á stígum og gróðri í jaðri stíganna. Jafnframt er aukin slysahætta þar sem stígar eru hálir og víða stórgrýtt á leiðinni.
Vætu- og kuldatíð hefur ríkt á norðausturhorni landsins undanfarnar vikur. Göngustígar í Jökulsárgljúfrum hafa smá saman orðið gegnsósa af vatni og á þeim stöðum þar sem vatn rennur ekki auðveldlega í burtu hafa myndast stórir pollar, jafnvel tjarnir. Auk þess hefur efni runnið úr stígum á nokkrum stöðum og þar brýn þörf á viðgerðum.
Þjóðgarðsvörður og landverðir hafa undanfarna daga fylgst með þróun mála og þrátt fyrir ágætis þurrk seinni part dags í gær og í morgun er einsýnt að stígarnir verða ekki tilbúnir fyrir umferð reiðhjóla um komandi helgi. Né heldur er hægt að segja til um ástand þeirra það sem eftir lifir sumars/hausts. Hjólahelginni er því aflýst í ár, en ákvörðun um framhaldið verður tekin fyrir næsta sumar.