Jón Helgi Björnsson nýr stjórnarformaður Vatnajökulsþjóðgarðs
Guðlaugur Þór Þórðarson, umhverfis-, orku- og loftslagsráðherra hefur skipað Jón Helga Björnsson sem formann stjórnar Vatnajökulsþjóðgarðs frá og með 1. janúar 2023.
![Jón Helgi Björnsson, formaður stjórnar Vatnajökulsþjóðgarðs.](/_next/image?url=https%3A%2F%2Fimages.prismic.io%2Fvatnajokulsthjodgardur%2F40852450-4145-4f64-a1ed-522aa9be4bed_2022%2B01%2B09-jon%2Bhelgi%2Bnyr%2Bstjornarformadur.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Jón Helgi er líffræðingur að mennt og með MBA gráðu frá University of Manchester. Hann starfar sem forstjóri Heilbrigðisstofnunar Norðurlands og hefur langa reynslu af stjórnun í opinberum rekstri og í atvinnulífinu. Jón Helgi er búsettur á Laxamýri í Þingeyjarsýslu.
Jón Helgi tekur við stöðu stjórnarformanns af Auði H. Ingólfsdóttur sem lét af störfum um áramótin að eigin ósk. Auður hefur gengt starfi stjórnarformanns frá mars 2020 á miklum mótunartíma í starfi þjóðgarðsins og mun hún á næstu misserum koma fyrir hönd ráðuneytisins að öðrum verkefnum sem tengjast þjóðgarðinum.
Vatnajökulsþjóðgarður býður Jón Helga hjartanlega velkominn til starfa og þakkar Auði kærlega fyrir farsælt og ánægjulegt samstarf.