Landmælingar Íslands og Vatnajökulsþjóðgarður efla samstarf á sviði korta- og landupplýsingamála

Landmælingar Íslands og Vatnajökulsþjóðgarður sinna mikilvægum verkefnum við að skrá og varðveita íslenska náttúru og að stuðla að sjálfbærri þróun á því sviði. Nýlega undirrituðu forstjóri Landmælinga Íslands og framkvæmdastjóri Vatnajökulsþjóðgarðs viljayfirlýsinga á sviði korta- og landupplýsingamála til að nýta sem best styrkleika beggja stofnana. Viljayfirlýsingin byggir m.a. á þeirri vinnu sem þegar hefur átt sér stað vegna vinnslu korta fyrir umsókn um að Vatnajökulsþjóðgarður komist á heimsminjaskrá. Einnig er mikilvægt markmið opið aðgengi að landupplýsingum á grundvelli laga um grunngerð stafrænna landupplýsinga nr. 44/2011. Síðast en ekki síst er í viljayfirlýsingunni lögð áhersla á að efla samstarf og miðlun þekkingar meðal starfsmanna við öflun, úrvinnslu og miðlun landupplýsinga.