Laust starf: Sérfræðingur Vatnajökulsþjóðgarðs við Mývatn

Starfsstöðvar rekstrarsvæðisins (norðurhálendi) eru Gígur-gestastofa á Skútustöðum, Drekagil og Herðubreiðarlindir en tenging við Mývatn og ferðaþjónustu á Norðurlandi eystra er jafnframt mikil. Starf sérfræðings heyrir beint undir þjóðgarðsvörð á svæðinu og er unnið í nánu samstarfi við Umhverfisstofnun sem einnig stendur að gestastofunni. Um er að ræða fjölbreytt og skemmtilegt heilsársstarf.

Helstu verkefni og ábyrgð

• Umsjón með gestastofu og þjónustu við gesti á svæðinu.
• Dagleg verkstjórn og umsjón með daglegum rekstri gestastofu og húsnæðisins í samvinnu við þjóðgarðsvörð.
• Gerð og miðlun fræðsluefnis og annarra upplýsinga til gesta og starfsmanna.
• Yfirumsjón með móttöku hópa og skipulagi viðburða í gestastofu.
• Samstarf, eftir því sem við á, við stofnanir, skóla, ferðaþjónustuaðila, félagasamtök, atvinnulíf og aðra hagsmunaaðila í Mývatnssveit og á Norðurlandi (og víðar ef svo ber undir) í samstarfi við næsta yfirmann.
• Önnur tilfallandi verkefni svo sem aðstoð við undirbúning sumarstarfsemi og landvörslutengd verkefni (t.d. eftirlit með innviðum, öryggismál og fleira).

Hæfniskröfur

• Háskólamenntun sem nýtist í starfi.
• Áhugi og þekking á náttúruvernd og umhverfismálum.
• Reynsla af landvörslu er kostur.
• Þekking og reynsla á starfsemi þjóðgarða og annarra verndarsvæða er kostur.
• Þekking á friðlýstum svæðum í Þingeyjarsveit er kostur.
• Þekking og reynsla af fræðslumálum og miðlun upplýsinga.
• Þekking á ferðaþjónustu og reynsla af skipulagningu viðburða er kostur.
• Góð skipulagsfærni og verkvit.
• Jákvæðni og áhugi á að takast á við ný og krefjandi störf.
• Rík samskiptahæfni, þjónustulund og sveigjanleiki.
• Sjálfstæði og frumkvæði.
• Góð íslensku- og enskukunnátta, fleiri tungumál eru kostur.
• Gild skyndihjálpar- og ökuréttindi, aukin ökuréttindi eru kostur.
• Góð almenn tölvukunnátta.
• Þekking á opinberri stjórnsýslu er kostur.

Sótt er um í gegnum starfatorg.is hvar einnig eru fleiri upplýsingar um starfið.