Laust starf: Verkefnastjóri innleiðingar stafrænna lausna
Hjá Vatnajökulsþjóðgarði starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarðsins.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F45402eee-46dc-46f6-9fd6-6b5eceb75833_2022%2B12%2B16_Laust%2Bstarf%2BVerkefnastj%25C3%25B3ri%2Binnlei%25C3%25B0ingar%2Bstafr%25C3%25A6nna%2Blausna.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Jökulís Breiðamerkurjökuls, mynd: Steinunn Hödd Harðardóttir
Að staðaldri eru tæplega 30 manns við starf hjá þjóðgarðinum en yfir sumartímann fer starfsmannafjöldi yfir 100. Meginstarfsstöðvar eru í Ásbyrgi, Mývatnssveit, Skriðuklaustri/Fellabæ, Höfn í Hornafirði, Skaftafelli og Kirkjubæjarklaustri auk miðlægrar skrifstofu á Urriðaholti í Garðabæ. Krafturinn á bak við þjóðgarðinn liggur ekki einungis í einstakri náttúru, heldur einnig í kröftugu og ánægðu starfsfólki.
Verkefnastjóri innleiðingar stafrænna lausna
Vatnajökulsþjóðgarður leitar að skipulögðum og lausnamiðuðum einstaklingi til að hafa umsjón með innleiðingu á fyrirhugaðri innheimtu þjónustugjalda við Jökulsárlón. Um er að ræða fjölbreytt og krefjandi starf við einn fjölsóttasta ferðamannastað landsins.
Starfið er auglýst óháð staðsetningu en starfsstöðvar Vatnajökulsþjóðgarðs eru á Höfn í Hornafirði, Skaftafelli, Kirkjubæjarklaustri,, Ásbyrgi, Fellabæ, Garðabæ og við Mývatn. Starfið er tímabundið til eins árs með möguleika á framlengingu að þeim tíma liðnum og heyrir beint undir framkvæmdastjóra þjóðgarðsins.
Umsóknarfrestur er liðinn.