Menningarminjadagar í Skaftafelli 28. ágúst
Vatnajökulsþjóðgarður stendur fyrir sérstakri fræðslugöngu í Skaftafelli þann 28. ágúst. Tilefnið eru Menningarminjadagar Evrópu eða European Heritage Days sem eru samevrópsk hátíð á vegum Evrópuráðs.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fff7b9106-5d2f-4947-ade3-c3efc0952231_2019%2B08%2B22%2B-%2Bmenningarminjadagur%2Bi%2BSkaftafelli.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Vatnajökulsþjóðgarður stendur fyrir sérstakri fræðslugöngu í Skaftafelli þann 28. ágúst. Tilefnið eru Menningarminjadagar Evrópu eða European Heritage Days sem eru samevrópsk hátíð á vegum Evrópuráðs. Hlutverk daganna er að vekja athygli almennings á menningarminjum og því hve mikilvægar þær eru, bæði fyrir samfélagið sjálft og efnahag.
Skaftafell á langa og dýrmæta menningarsögu en þar er talið að hafi verið búskapur allt frá landnámi og hafa íbúar í Skaftafelli getið af sér gott orð fyrir hagleik, handverk og hugvit.
Landverðir taka á móti gestum við upplýsingamiðstöðina kl.13:00 og ganga með þeim upp Gömlutún og að Seli. Á leiðinni verður stoppað á völdum stöðum þar sem landverðir segja frá því sem fyrir augu ber. Í Seli verður dagskrá sem byggist fyrst og fremst á upplestri og söng.
Það eru að sjálfsögðu allir velkomnir sem vilja og dagskráin er gjaldfrjáls að undanskildu þjónustugjaldinu sem innheimt er fyrir bifreiðar í Skaftafelli.
Hvar: Við upplýsingamiðstöðina í Skaftafelli
Hvenær: kl. 13:00, miðvikudaginn 28. ágúst
Klæðnaður eftir veðri
Allir velkomnir!