Opinber nýsköpun í Vatnajökulsþjóðgarði

Vatnajökulsþjóðgarður innheimtir þjónustugjöld rafrænt í Skaftafelli. Verkefnið fór fyrst af stað í Skaftafelli sem er fjarri þéttbýli og því augljóst að kostnaðarsamt yrði að byggja á lausnum til innheimtu sem kalla á mikinn mannafla á staðnum. Tekjunum er varið til að styrkja helstu innviði þessa fjölsótta ferðamannastaðar Vatnajökulsþjóðgarðs með því til dæmis að viðhalda bílastæðum, leggja göngustíga, efla gæslu og auka öryggi gesta.