Sif Jóhannesar Ástudóttir ráðin í Jökulsárgljúfur
Sif Jóhannesar Ástudóttir hefur verið ráðin sem aðstoðarþjóðgarðsvörður í Jökulsárgljúfrum
24. janúar 2024
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F37cf2767-5418-42bf-a00f-450ac2603b8c_Sif%2BJ%25C3%25B3hannesar%2B%25C3%2581stud%25C3%25B3ttir_a%25C3%25B0sto%25C3%25B0ar%25C3%25BEj%25C3%25B3%25C3%25B0gar%25C3%25B0sv%25C3%25B6r%25C3%25B0ur%2B%25C3%25AD%2BJ%25C3%25B6kuls%25C3%25A1rglj%25C3%25BAfrum_2024.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Sif Jóhannesar Ástudóttir
Sif Jóhannesar Ástudóttir hefur verið ráðin sem aðstoðarþjóðgarðsvörður í Jökulsárgljúfrum og mun hefja störf í mars 2024.
Sif er með MA í hagnýtri menningarmiðlun, BA í þjóðfræði, kennslu- og landvarðarréttindi.
Sif hefur starfað við verkefnastjórnun á sviði símenntunar, atvinnuþróunar og menningarmála. Á árunum 2012-2018 var hún forstöðumaður Menningarmiðstöðvar Þingeyinga. Síðastliðið sumar fékk hún nasaþefinn af landvörslu á norðursvæði Vatnajökulsþjóðgarðs.
Eiginmaður Sifjar er Sveinn Aðalsteinsson og eiga þau fimm uppkomin börn.
Vatnajökulsþjóðgarður býður Sif hjartanlega velkomna til starfa.