Skyndilokun við Dettifoss
Mikið leysingavatn er nú á svæðinu við Dettifoss. Vatn er farið að flæða yfir veg 862 áleiðis að fossinum og um Sanddal rennur nú á undir snjónum sem er alla jafna ekki til staðar.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fe788d5a2-a491-414e-9dc9-5e05ed5c54a0_2019%2B04%2B15-frettir-skyndilokun%2Bdettifoss.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Mikið leysingavatn er nú á svæðinu við Dettifoss. Vatn er farið að flæða yfir veg 862 áleiðis að fossinum og um Sanddal rennur nú á undir snjónum sem er alla jafna ekki til staðar. Við það skapast lífshættulegar aðstæður og því hefur þjóðgarðsvörður, í samráði við Vegagerðina og lögreglu, lokað svæðinu fyrir umferð. Lokunarpósturinn er við gatnamót þjóðvegar 1 og 862, en landvörður stendur þar vaktina og upplýsir ferðamenn um stöðuna.
Óvíst er hversu lengi lokunin varir, en þessar aðstæður komu síðast upp vorið 2016 og þá var lokað í um einn og hálfan sólarhring. Um það má lesa hér: https://www.vatnajokulsthjodgardur.is/is/utgefid-efni/frettir/opid-a-ny-ad-dettifossi