Starfsmannabreytingar á Höfn

Þær tímabundnu breytingar hafa átt sér stað á skrifstofu Vatnajökulsþjóðgarðs á Höfn að Anna Ragnarsdóttir Pedersen tekur við sem þjóðgarðsvörður en Steinunn Hödd Harðardóttir mun færa sig yfir í önnur verkefni tengd atvinnumálum og samningum á svæðinu sem sérfræðingur á stjórnunar- og verndarsviði. Charlotta Emma Jadwiga Brzeski (Charli) tekur við af Önnu sem aðstoðarþjóðgarðsvörður en Charli hefur starfað á svæðinu sem landvörður síðastliðin 3 ár.

Er þeim öllum þremur óskað velfarnaðar í sínum störfum.