Stefán Frímann Jökulsson ráðinn yfirlandvörður á austursvæði Vatnajökulsþjóðgarðs
Stefán Frímann Jökulsson hefur verið ráðinn yfirlandvörður á austursvæði Vatnajökulsþjóðgarðs. Staðan er ný staða á austursvæðinu þar sem fyrir starfa þjóðgarðsvörður og aðstoðarmaður þjóðgarðsvarðar.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F3a857389-6e2f-43fa-bea3-0ecc11cce061_2021%2B03%2B08%2B-%2Bstefan%2Bfrimann%2Byfirlandvordur.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.50%26fp-y%3D0.43%26w%3D1640%26h%3D820&w=3840&q=80)
Stefán Frímann Jökulsson hefur verið ráðinn yfirlandvörður á austursvæði Vatnajökulsþjóðgarðs. Staðan er ný staða á austursvæðinu þar sem fyrir starfa þjóðgarðsvörður og aðstoðarmaður þjóðgarðsvarðar.
Stefán hefur áralanga reynslu af landvörslu og hefur síðustu sumur starfað sem yfirlandvörður bæði á austursvæði og hálendi norðursvæðis Vatnajökulsþjóðgarðs . Hann fékk landvarðaréttindi árið 2012 og hefur starfað með björgunarsveitinni Súlum frá árinu 2013 og hefur lokið fjölda námskeiða á vegum björgunarsveitarinnar auk þess að hafa leiðbeinandaréttindi í Ferðamennsku og rötun. Stefán er nú að leggja lokahönd á doktorsritgerð sína í heimspeki frá Université de Lorraine, Frakklandi en áður lauk hann meistaranámi við sama skóla þar sem hann lagði áherslu á náttúrufagurfræði. Stefán mun hefja störf um miðjan maímánuð.
Vatnajökulsþjóðgarður býður Stefán Frímann velkominn til starfa.