Stjórn samþykkir tillögu að stjórnunar- og verndaráætlun fyrir Breiðamerkursand
Stjórn Vatnajökulsþjóðgarðs samþykkti á fundi sínum þann 17. maí síðastliðinn framlagða tillögu svæðisráðs suðursvæðis að viðauka stjórnunar- og verndaráætlunar fyrir Breiðamerkursand.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fc7b39a5f-f561-4937-8c10-c335c603366b_2021%2B05%2B20%2B-%2Bstjorn%2Bsamthykkir%2Bstjorn%2Bog%2Bvernd%2Bfyrir%2Bbreidamerkursand.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Tillagan hefur farið í umsagnaferli og hefur svæðisráð suðursvæðis unnið úr ábendingum sem bárust. Stjórn lagði til að tillagan verði send umhverfis- og auðlindaráðherra til staðfestingar og auglýsingar í B-deild Stjórnartíðinda skv. lögum um Vatnajökulsþjóðgarð nr. 60/2007.
Vinnan við gerð stjórnunar- og verndaráætlunarinnar hófst í upphafi árs 2019. Samkvæmt lögum þjóðgarðsins ber svæðisráðum að koma með tillögur að stjórnunar- og verndaráætlunum. Svæðisráð suðursvæðis fékk ráðgjafa frá Nýheimum Þekkingarsetri á Höfn, Rannsóknarsetri HÍ á Höfn og Náttúrustofu Suðausturlands til liðs við sig. Mikil vinna hefur átt sér stað á undanförnum tveimur árum á vegum ráðgjafahópsins, í samvinnu við starfsmenn þjóðgarðsins, svæðisráð og hagsmunaaðila.
Ýttu hér til að skoða stjórnunar- og verndaráætlun fyrir Breiðamerkursand