Sumarstörf í Vatnajökulsþjóðgarði
Sumarstörf í Vatnajökulsþjóðgarði fyrir 2023 auglýst
Við leitum að landvörðum, verkafólki og þjónustufulltrúum í fjölbreytt sumarstörf þjóðgarðsins víða um landið. Að staðaldri starfa rúmlega 30 manns hjá þjóðgarðinum en yfir sumartímann fer starfsmannafjöldi yfir 100. Meginstarfsstöðvar eru Ásbyrgi, Mývatnssveit, Skriðuklaustur/Fellabær, Höfn í Hornafirði, Skaftafell og Kirkjubæjarklaustur. Krafturinn á bak við þjóðgarðinn liggur ekki einungis í einstakri náttúru, heldur einnig í kröftugu og ánægðu starfsfólki.
Sumarstörf við landvörslu
Upplifðu Vatnajökulsþjóðgarð á einstakan hátt.
Í Vatnajökulsþjóðgarði starfar fjölbreyttur hópur af fólki um allt land. Landvarsla er mikilvægur hlekkur í starfi þjóðgarðsins og sinna landverðir eftirliti innan hans og á friðlýstum svæðum. Störf landvarða eru fjölbreytt og felast meðal annars í daglegu eftirlit innan þjóðgarðsins og á friðlýstum svæðum. Verkefnin eru með ólíkum áherslum eftir starfsstöðvum en eiga það sameiginlegt að vera skemmtileg og lífleg.
NÁNARI UPPLÝSINGAR Á STARFATORGI
Þjónustufulltrúar í sumarstörf í Skaftafelli og Ásbyrgi
Upplifðu náttúruperlurnar Skaftafell og Ásbyrgi á einstakan hátt.
Vatnajökulsþjóðgarður leitar að jákvæðum og hjálpsömum einstaklingum með áhuga á umhverfismálum til fjölbreyttra starfa í gestastofum og á tjaldsvæðum þjóðgarðsins í sumar.
NÁNARI UPPLÝSINGAR Á STARFATORGI
Verkamenn í sumarstörf í Skaftafelli
Upplifðu Skaftafell á einstakan hátt.
Vatnajökulsþjóðgarður leitar að sjálfstæðum og útsjónarsömum einstaklingum til að sinna viðhaldi og umhirðu í Skaftafelli.