Þakkir til Guðmundar Inga og Guðlaugur Þór boðinn velkominn
Sáttmáli um ríkisstjórnarsamstarf Framsóknarflokks, Sjálfstæðisflokks og Vinstrihreyfingarinnar - græns framboðs var birtur sunnudaginn 28. nóvember s.l. Í kjölfarið var skipan ráðherra kynnt hvar breytingar urðu hjá ráðuneyti Vatnajökulsþjóðgarðs, Umhverfis- og auðlindaráðuneytinu.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fe4aea204-539a-4b42-8749-f4a5f7a5c515_2021%2B12%2B06%2B-%2Br%25C3%25A1%25C3%25B0herraskipti%2B%25C3%25BEakkir.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.50%26fp-y%3D0.33%26w%3D1640%26h%3D820&w=3840&q=80)
Starfsfólk Vatnajökulsþjóðgarðs þakkar fráfarandi umhverfis- og auðlindaráðherra, Guðmundi Inga Guðbrandssyni kærlega fyrir farsæla samvinnu undanfarin fjögur ár og óskar honum alls hins besta í störfum hans sem nýr félags- og vinnumarkaðsráðherra. Jafnframt bjóðum við Guðlaug Þór Þórðarson nýjan umhverfis-, orku- og loftslagsráðherra velkominn til starfa með óskum um velfarnað.
Við hjá Vatnajökulsþjóðgarði hlökkum til samstarfsins við Guðlaug Þór enda umhverfis- og loftslagsmál í brennidepli og markmið nýrrar ríkisstjórnar að Ísland verði í fararbroddi í umhverfsmálum á alþjóðavísu.