Hanna Valdís Jóhannsdóttir til starfa á vestursvæði
Hanna Valdís Jóhannsdóttir hefur verið ráðin í nýja stöðu sérfræðings á vestursvæði Vatnajökulsþjóðgarðs.
![Hanna Valdís Jóhannsdóttir, sérfræðingur á vestursvæði Vatnajökulsþjóðgarðs.](/_next/image?url=https%3A%2F%2Fimages.prismic.io%2Fvatnajokulsthjodgardur%2F331b3e1c-7850-4383-98a5-6ba9d61d6f18_2023%2B01%2B17-frettir-hanna%2Bvaldis%2Bvestursvaedi.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Hanna Valdís er ferðamálafræðingur frá Háskólanum á Hólum og með víðtæka reynslu af náttúruverndarstarfi, opinberri stjórnsýslu og stjórnun.
Hanna Valdís hóf störf hjá Vatnajökulsþjóðgarði sumarið 2016 sem landvörður í Eldgjá og Laka en þar áður hafði hún starfað sem skálavörður í Hólaskjóli. Á árunum 2016-2019 kynntist hún flestum starfsstöðvum vestursvæðis Vatnajökulsþjóðgarðs auk ýmissa friðlýstra svæða á vegum Umhverfisstofnunar, svo sem Reykjanesi, Breiðafirði og Snæfellsnesi.
Árin 2008-2015 vann Hanna Valdís ýmiss konar opinber störf fyrir Akraneskaupstað og síðustu ár starfaði hún sem deildarstjóri og stuðningsfulltrúi á leikskóla. Hún hóf aftur störf hjá Vatnajökulsþjóðgarði nú í haust sem verkefnastjóri á Kirkjubæjarklaustri.
Hanna Valdís er í sambúð með Brodda Hilmarssyni og eiga þau einn dreng.
Vatnajökulsþjóðgarður býður Hönnu Valdísi hjartanlega velkomna til áframhaldandi starfa.