Vetrarfuglatalning í Skaftafelli
Vetrarfuglatalning fór fram í Skaftafelli þann 13. janúar síðastliðinn. Vetrarfuglatalning er vöktunarverkefni á vegum Náttúrufræðistofnunar Íslands og hefur farið fram síðan 1952.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fdc32161e-148a-4c32-8230-9d00806b9003_Fuglatalning%2B%25C3%25AD%2BSkaftafelli_24_H%25C3%2586.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.47%26fp-y%3D0.50%26w%3D1640%26h%3D820&w=3840&q=80)
Vetrarfuglatalning fór fram í Skaftafelli þann 13. janúar síðastliðinn. Vetrarfuglatalning er vöktunarverkefni á vegum Náttúrufræðistofnunar Íslands og hefur farið fram síðan 1952. Á vef Náttúrufræðistofnunar segir að verkefnið sé ein lengsta samfellda vöktunin sem hefur farið fram hér á landi og tekur til flestra fuglategunda. Skaftafell hefur tekið þátt í verkefninu síðan 1985. Talningafólk var Elvar Ingþórsson, Hrafnhildur Ævarsdóttir og Páll Sigurgeir Guðmundsson.
Að þessu sinni voru skráðar 8 tegundir og sáust 81 fuglar á meðan talning fór fram. Auðnutittlingar og rjúpur voru algengar en einnig sáust stokkendur, urtendur, músarrindlar, svartþrestir og skógarþrestir. Eins má ekki gleyma heimilishrafninum sem heldur til í Skaftafelli.
Skaftafell býr yfir mörgum fuglategundum og sækja gestir þjóðgarðsins gjarnan upplýsingar til landvarða um þá fugla sem verða á vegi þeirra á göngu um svæðið. Starfsfólk býður spennt eftir vorinu þegar farfuglar fara að gera vart við sig. Hrossagaukur kemur gjarnan fyrstur á svæðið og þá er sumarið á næsta leiti.