![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fcf02d2e7-bfcf-4925-857a-7a51f3aded46_Fr%25C3%25A6%25C3%25B0slug2_Holuhraun_19_JBB.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1100%26h%3D724&w=3840&q=80)
Holuhraun
Um miðjan ágúst 2014 hófst mikil jarðskjálftahrina í Bárðarbungu, einni öflugustu megineldstöð landsins. Kvikan náði svo yfirborði í gamalli gossprungu sem hafði gosið síðast árið 1797 og myndaðist þá Holuhraun. Við nýja hraunið gefst einstakst tækifæri til að komast í nána snertingu við eitt yngsta landsvæði Íslands. Hraunið er afar úfið og víðast mjög torfært en stutt stikuð gönguleið liggur í hring á hrauninu frá bílastæði.