Skaftafell - Framtíðarsýn

Útdráttur af valkostum stjórnar, samþykkt á fundi 17.5.2021:

Búseta starfsfólks:

Í Sandaseli verði lítil íbúðaþyrping sem hýsir 3-5 fjölskyldur fastra starfsmanna með heilsársbúsetu á svæðinu og 5-10 litlar íbúðir fyrir einhleypa og tímabundna starfsmenn. Aðrir starfsmenn búa á nærsvæðum.

Aðstaða einkafyrirtækja:

Í Skaftafelli verði aðstaða fyrir sölubása með samræmdu útliti sem fyrirtæki í kring geta8 nýtt sér og safnstaður fyrir ferðir (“meeting point?). Einnig starfsmannaaðstaða fyrir veru starfsmanna yfir daginn. Önnur aðstaða fyrirtækja er utan þjóðgarðs.

Framboð þjónustu:

Skaftafell verði áhugaverður viðkomu- og dvalarstaður ólíkra hópa sem vilja kynna sér náttúru svæðisins í bland við slökun og samveru með vinum og vandamönnum. Öll aðstaða sem þarf til nokkurra daga dvalar sé fyrir hendi.

Gestastofa:

Í Skaftafelli verði falleg en látlaus gestastofa, mögulega í núverandi húsi með viðbótum, með veglegri sýningu sem fjallar um sérstöðu svæðisins og setur það í stærra samhengi loftslagsbreytinga.

Þjónusta við nærsamfélag:

Helsta samfélagshlutverk þjóðgarðsins snúi að öryggi íbúa og gesta í Öræfum. Þar verði góð aðstaða fyrir viðbragðsaðila eins og björgunarsveitir, lögreglu og slökkvilið og fjöldahjálparstöð í neyð.

Húsin í heiðinni:

Með nauðsynlegum endurbótum verði Hæðir og Bölti notuð sem íbúðir fyrir starfsfólk og jafnvel bætt við nýjum íbúðarhúsum á þeim slóðum.