![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fd098a412-bd93-4436-aa55-ed082bfe7a20_Eyjan%2B%25C3%2581sbyrgi_19_G%25C3%2596.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1100%26h%3D724&w=3840&q=80)
Eyjan í Ásbyrgi
Eyjan sendur hnarreist í miðju Ásbyrgi, voldugur klettadrangur sem hefur staðið af sér ógnarkrafta hamfarahlaupanna. Frá Eyjunni er afar fallegt útsýni yfir Ásbyrgi og ekki síður yfir sandana í norðri. Það er upplagt að ganga þessa leið að kvöldlagi.
Leiðin hefst fyrir framan stóra salerninshúsið við bílastæðið á tjaldsvæðinu í Ásbyrgi. Leiðin liggur fyrst í norður og farið er upp á Eyjuna þar sem klettaveggurinn er hentugur til uppgöngu. Þar er lítill stigi sem auðveldar uppgönguna. Fljótlega er komið að gamalli vörðu og sé snúið við þar verður gönguleiðin um 2 km löng en sé haldið áfram liggur leiðin áfram í suður, alveg að Eyjunefinu. Hægt er að fara lítinn hring á bakaleiðinni frá Eyjunefninu en að mestu er leiðin sú sama til baka.
Tengdar gönguleiðir
![Botnstjörn, Ásbyrgi, haust](/_next/image?url=https%3A%2F%2Fimages.prismic.io%2Fvatnajokulsthjodgardur%2Fdc78bb4b-f59e-4d59-8de1-c034ca5513c2_Botnstjorn_Asbyrgi_haust_GO-2019.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.56%26fp-y%3D0.50%26w%3D277%26h%3D196&w=640&q=80)
Botnstjörn
Ásbyrgi heillar margan ferðalanginn. Innst í byrginu er gengið um gróskumikinn birkiskóg, umvafinn hamrabeltinu, og fyrir botni hvílir friðsæl Botnstjörn sem er heimkynni rauðhöfðaanda á sumrin. Margir finna ákveðna helgi hvíla yfir staðnum og telja jafnvel að þar séu híbýli álfa og huldufólks. Botnstjörn er gamall fosshylur og eitt af ummerkjum sem hamfaraflóðin hafa skilið eftir. Á vorin og í vætutíð kemur fyrir að ofaní tjörnina seitli Botnslækur.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fc259b908-1a66-4115-bd9e-0addf89dfc15_Jg_Asbyrgi_innst_2019_HA.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.50%26fp-y%3D0.37%26w%3D277%26h%3D196&w=640&q=80)
Skógarstígur
Á göngu eftir skógarstígnum í Ásbyrgi má upplifa friðsæld og fjölbreytt fuglalíf skógarins. Á árunum 1947-1977 var barrtrjám plantað í Ásbyrgi og liggur stígurinn um helstu skógræktarreitina frá þeim tíma. Einnig umvefur hinn náttúrulegi birkiskógur Ásbyrgis ferðafólk.