![Rauðhólar, Hljóðaklettar, Jökulsárgljúfur](/_next/image?url=https%3A%2F%2Fimages.prismic.io%2Fvatnajokulsthjodgardur%2Fb302464f-f6f7-47e0-a8be-1e7d9213cbf5_Rau%25C3%25B0h%25C3%25B3ll_SRR.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.57%26fp-y%3D0.50%26w%3D1100%26h%3D724&w=3840&q=80)
Rauðhólahringur
Í upphafi er gengin er sama leið og þegar farið er um Hljóðakletta en skammt frá Kirkjunni heldur leiðin áfram norður á Rauðhóla sem klæddir eru rauðri og svartri gjallkápu. Á leiðinni blasa víða við ýmis jarðfræðifyrirbrigði. Af Rauðhólum er gott útsýni norður yfir gljúfrin og suður yfir Hljóðakletta.
Athugið að þjóðgarðsyfirvöld hafa neyðst til þess að loka fyrir umferð á hæsta hólinn vegna þess að átroðningur var byrjaður að fletja hann út.
Tengdar gönguleiðir
![Jökulsárgljúfur, Hljóðaklettar, Tröllið, gönguleið](/_next/image?url=https%3A%2F%2Fimages.prismic.io%2Fvatnajokulsthjodgardur%2F00081f93-45cb-4d8a-820c-700d7efee9fa_Jg_Hljodaklettar_Trollid_2022_GO.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.50%26fp-y%3D0.48%26w%3D277%26h%3D196&w=640&q=80)
Hljóðaklettar - Tröllið
Hér er hægt að fara einfalda og stutta leið frá bílastæði niður að Hljóðaklettum. Fyrsti kletturinn sem komið er að ber nafnið Tröllið og er einn af fáum klettum í Hljóðaklettum sem ber ákveðið nafn. Sé farið rétt austur fyrir Tröllið (til hægri) og gengið nokkra metra yfir klettana, er hægt að sjá afar fallega stuðlabergsröðum og býkúpuveðrun í klettunum. Sama leið er farin til baka.
![Jökulsárgljúfur, Hljóðaklettar, stuðlar](/_next/image?url=https%3A%2F%2Fimages.prismic.io%2Fvatnajokulsthjodgardur%2F7dc27375-73e1-4576-8494-8a4d6a073373_Jg_Hlj%25C3%25B3%25C3%25B0alettar_Stu%25C3%25B0lar5_SRR.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Hljóðaklettahringur
Hljóðaklettar eru fornar eldstöðvar þar sem Jökulsá hefur skolað í burtu öllu lausa gosefninu og skilið eftir innviði gíganna. Jarðmyndanir eru á heimsmælikvarða, sjá má stuðla vefjast í alls konar form, býkúpuveðrara kletta og hella af ýmsum stærðum.