![](/_next/image?url=https%3A%2F%2Fimages.prismic.io%2Fvatnajokulsthjodgardur%2Ff1fcf5fe-2041-4fd4-a0a7-70bf8276c6d1_Tr%25C3%25B6llakr%25C3%25B3kar_%2BL%25C3%25B3ns%25C3%25B6r%25C3%25A6fi_21_GGB.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1100%26h%3D724&w=3840&q=80)
Lónsöræfi
Upp frá Lóni, austan Vatnajökuls gengur fjallahringur, dalir og öræfi er nefnast Stafafellsfjöll, Lónsöræfi eru nýrra heiti á sama svæði og nær yfir svæðið sem liggur á milli Snæfells og Stafafellsfjalla. Svæðið er þekkt fyrir falleg og litrík fjöll ásamt fjölbreyttum gönguleiðum. Víða eru grónir balar og ekki ólíklegt að menn rekist á hreindýr á ferð sinni um öræfin. Stafafellslandið er stórkostlegt gönguland fyrir þá sem unna fögrum jarðmyndunum.
Aðstaða
Upplýsingar um skála og tjaldsvæði
Nokkrir fjallaskálar eru í friðlandinu í Lónsöræfum eða jaðri þess. Í Kollumúla er Múlaskáli í eigu Ferðafélags Austur-Skaftfellinga og eru þar vatnsklósett og sturta. Þar er einnig Múlakot, íverustaður landvarða Vatnajökulsþjóðgarðs en landvörður dvelur í Lónsöræfum yfir sumartímann og sinnir almennu viðhaldi og veitir upplýsingar til ferðafólks. Landvörðurinn er vanalega á svæðinu frá byrjun júlí fram í miðjan ágúst. Hliðstæð þjónusta er í Snæfellsskála og eru þar einnig landverðir yfir sumartímann. Ferðafélag Fljótsdalshéraðs rekur skálann Egilssel við Kollumúlavatn og annan við Geldingafell. Ferðafélag Djúpavogs rekur skála við Leirás.
Múlaskáli, rekinn af Ferðafélagi Austur-Skaftafellssýslu
Egilssel, rekinn af Ferðafélagi Fljótsdalshéraðs
Geldingafell, rekinn af Ferðafélagi Fljótsdalshéraðs