Tjarnargígur
Stutt og mjög falleg gönguleið sem liggur frá bílastæðinu inn að barmi Tjarnargígs þar sem fallegt útsýni er ofan í gíginn. Tjarnargígur er eins og nafnið bendir til, eini gígurinn á svæðinu sem skartar stöðuvatni í botninum.
Tengdar gönguleiðir
Tjarnagígur - Eldborgarfarvegur
Gönguleiðina inn að Tjarnargíg má lengja með því að ganga áfram niður hrauntröðina (Eldborgarfarveg), inn í gíginn Súganda og áfram að bílastæðinu við Tjarnargíg. Hér gefst tækifæri til að ganga eftir botni gamallar hraunár, virða fyrir sér storknaða bakka hennar og sjá hvernig skjól og grunnvatn hafa áhrif á háfjallagróður.