Svarthöfði - Vonarskarð
Gengið yfir skarðið milli Svarthöfða og Kolufells. Þaðan með hlíðum Skrauta inn Snapadal að háhitasvæðinu í Hverahlíð. Stórbrotið land, líparítskriður, fjallagróður og háhitasvæði. Athugið að hvorki síma- né tetrasamband er í Vonarskarði.
Háhitasvæðið í Vonarskarði
Jarðhitinn er mest áberandi í Hverahlíð undir fjallinu Eggju og þar er auðvelt að skoða hann. Norðvestan við Eggju og nokkuð hátt uppi er annað hverasvæði og það þriðja er í gili sem fellur til Nýjadals suðvestan Eggju. Efsti hluti Hverahlíðar er í dalhvilft undir Eggjuskarði og nefnist hún Hverabotn. Þar er jarðhitinn langöflugastur og mest áberandi. Niður Hverahlíð falla tveir áberandi lækir. Sá nyrðri nefnist Varmilækur en sá syðri Rauðilækur. Báðir eru þeir að mestu leyti afrennsli af háhitasvæðinu. Sunnan við Hverahlíð tekur Snapadalur við og er hann að mestu gróinn með ívolgum lækjum.
Tengdar gönguleiðir
Nýidalur - Vonarskarð - Nýidalur
Leiðin fylgir Mjóhálsi inn í Vonarskarð og að háhitasvæðinu í Hverahlíð þar sem er að finna fjölbreytilegar hveramyndanir. Af Mjóhálsi (hækkun 250 m) en heildarhækkun er mun meiri eða um 700m. Á leiðinni er stórbrotið útsýni yfir Nýjadal og á Tungnafellsjökul. Athugið að gæta varkárni við háhitasvæði og að ekki er síma- né tetrasamband í Vonarskarði.