Snæfellsstofa er gestastofa og upplýsingamiðstöð fyrir austursvæði Vatnajökulsþjóðgarðs. 

Snæfellsstofa opnaði sumarið 2010 og er hún fyrsta vistvænt vottaða bygging landsins samkvæmt breska umhverfisstaðlinum BREEAM. Í Snæfellsstofu er sýningin Veraldarhjólið sem fjallar um hringrás og mótun náttúrunnar. Sýningin leggur áherslu á samspil gróðurfars og dýralífs á austursvæði þjóðgarðsins.Við hönnun hennar var lögð áhersla á að börn gætu snert, lyktað og prófað sig á ýmsum sýningarmunum. Minjagripaverslun er í gestastofunni með áherslu á vörur úr heimabyggð og nágrannasveitum þjóðgarðsins.

Snæfellsskáli er við Snæfell, þar er gisting fyrir um það bil 45 manns og einnig tjaldsvæði, vatnssalerni og sturtur. Nokkrir fjallaskálar eru í friðlandinu í Lónsöræfum eða jaðri þess.

Í Snæfellsstofu er gott aðgengi fyrir hreyfihamlaða. Sérmerkt bílastæði stendur utan við gestastofuna og greið leið er þaðan að inngangi hússins. Aðalhurðin er sjálfvirk og nægt rými er fyrir hreyfihamlaða innanhúss. Í Snæfellsstofu er salerni með auknu aðgengi. Starfsfólk gestastofunnar hefur fengið leiðbeiningar um móttöku gesta með hreyfihamlanir og er ávallt reiðubúið til aðstoðar. Myndir má finna í skjalinu hér til lýsingar. (Myndirnar tók Tinna Hallgrímsdóttir)

Snæfellsstofa

Opnunartímar

Hagnýtar upplýsingar

Um Snæfellsstofu

Skálar og tjaldsvæði

Snæfellsskáli

Aðgengismál

Aðgengi í Snæfellsstofu

Loforð til fatlaðra viðskiptavina