Geitafellstindur - O4
Þessi leið fylgir hringleiðinni um Geitafellsbjörg í byrjun, það er fyrst er gengið upp brekku frá bílastæði framan við Hoffellsjökul.
Efst á þeim hálsi er beygt til vinstri inn á hringleið um Geitafellsbjörg. Í stað þess að beygja til hægri á vegslóðann til þess að fara til baka, er beygt til vinstri í átt að Efstafellsgili. Þegar komið er að gilinu, liggur leiðin meðfram því áfram upp, og er stikuð upp í u.þ.b. 500 m.y.s. Þaðan fylgir leiðin hrygg alla leið á Geitafellstind, ca. 1.016 m.y.s. Þrátt fyrir nafnið er Geitafellstindur ekki eiginlegur tindur, heldur mætti frekar kalla hann öxl út úr Grasgiljatindi. Af Geitafellstindi opnast gott útsýni austur í Hoffellsdal.
Tengdar gönguleiðir
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fffe4fc11-c5d0-43c3-801e-f0c2b295259b_Hoffellsj%25C3%25B6kull2_Geitafellsbj%25C3%25B6rg%2B%2528O1%2529_20_HJ.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Geitafellsbjörg
Falleg hringleið um Geitafellsbjörg sem veitir gott útsýni yfir Hoffellsjökul og lónið fyrir framan hann.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F9c5ea608-6829-4724-885c-b14fcc6595ae_Hoffellsj%25C3%25B6kull%2Byfirlitsmynd_21_Anze%2BFurlan.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Núpaleið
Þessi leið liggur um Núpa og Hoffellsfjöll, inn af Hoffelli. Hún er mjög erfið og aðeins fyrir vant fjallafólk. Mjög lítið fjarskiptasamband er á svæðinu. Mælt er með því að skilja eftir ferðaáætlun á www.safetravel.is.
Mynd: iStock (Anze Furlan)