Dettifoss og Selfoss
Andstæður eru eitt aðaleinkenni landlagsins í Jökulsárgljúfrum. Á þessari gönguleið kemur þetta skýrt fram í kraftmesta fossi Evrópu, Dettifoss, andspænis fagurmótuðum og hógværum Selfossi. Gengið er að Dettfossi en í stað þess að fara sömu leið til baka eins og í leið D-1 er hér gengið í suður, meðfram árbakkanum, að Selfossi og síðan farin vestari leiðina tilbaka að bílastæðinu.
Tengdar gönguleiðir
Dettifoss
Dettifoss er kraftmesti foss Evrópu. Ógnarkraftinn má finna með því að leggja lófa við klappir nálægt fossinum og finna hvernig bjargið titrar. Hægt og bítandi grefur hann sig í gegnum fossbrúnina og færir þannig sjálfan sig sífellt sunnar eða um hálfan meter á ári.
Frá bílastæðinu að útsýnisstað við Dettifoss er um 1 km ganga (aðra leið). Þaðan er hægt að ganga sömu leið tilbaka á bílastæðið.
Hafragilsundirlendi
Í og við Hafragilsundirlendi eru erfiðustu en jafnframt stórkostlegustu gönguleiðir Jökulságljúfra og þar þarf að fara með gát. Gengið er um brattar skriður og einstigi sem hentar ekki lofthræddum. Óvíða kallast á meiri andstæður en á þessum stað, þar sem blátt bergvatn blandast gruggugu jökulfljótinu