Snæfellsstofa er gestastofa og upplýsingamiðstöð fyrir austursvæði Vatnajökulsþjóðgarðs. 

Yfir vetrartímann er opið eftir samkomulagi. Hafið samband við snaefellsstofa@vjp.is eða í síma 470 0840 fyrir frekari upplýsingar.

Snæfellsstofa opnaði sumarið 2010 og er hún fyrsta vistvænt vottaða bygging landsins samkvæmt breska umhverfisstaðlinum BREEAM. Í Snæfellsstofu er sýningin Veraldarhjólið sem fjallar um hringrás og mótun náttúrunnar. Sýningin leggur áherslu á samspil gróðurfars og dýralífs á austursvæði þjóðgarðsins.Við hönnun hennar var lögð áhersla á að börn gætu snert, lyktað og prófað sig á ýmsum sýningarmunum. Minjagripaverslun er í gestastofunni með áherslu á vörur úr heimabyggð og nágrannasveitum þjóðgarðsins.

Í Snæfellsstofu er gott aðgengi fyrir hreyfihamlaða. Sérmerkt bílastæði stendur utan við gestastofuna og greið leið er þaðan að inngangi hússins. Aðalhurðin er sjálfvirk og nægt rými er fyrir hreyfihamlaða innanhúss. Í Snæfellsstofu er salerni með auknu aðgengi. Starfsfólk gestastofunnar hefur fengið leiðbeiningar um móttöku gesta með hreyfihamlanir og er ávallt reiðubúið til aðstoðar.

Snæfellsskáli er við Snæfell, þar er gisting fyrir u.þ.b. 45 manns og einnig tjaldsvæði, vatnssalerni og sturtur. Nokkrir fjallaskálar eru í friðlandinu í Lónsöræfum eða jaðri þess.

Snæfellsstofa

Opnunartímar

Hagnýtar upplýsingar

Um Snæfellsstofu

Aðgengi

Skálar og tjaldsvæði

Snæfellsskáli