Fjallsárlón

Fjallsárlón er í um 90 kílómetra fjarlægð vestur af Höfn í Hornafirði og um 10 kílómetra vestur af Jökulsárlóni. Fjallsjökull er brött jökultunga sem kemur niður úr Vatnajökli og er lónið fyrir framan hann friðsæll staður sem er tilvalinn til að njóta náttúrufegurðar suðurhluta Vatnajökulsþjóðgarðs. Við Fjallsárlón er rekin árstíðabundin ferðaþjónusta ásamt einkarekinni veitingasölu og salernum.

Fjallsárlón er aðgengilegt allt árið um kring en þjóðvegur 1 liggur um Breiðamerkursand og fram hjá afleggjaranum að Fjallsárlóni. Vegurinn frá þjóðvegi 1 að Fjallsárlóni er malbikaður og rúmlega 500 metra langur. Landverðir á Breiðamerkursandi sinna viðhaldi á göngustígum við Fjallsárlón.