Breiðármörk
Þessi 15 km gönguleið liggur milli Fjallsárlóns og Jökulsárlóns.
Þó að Breiðármörk sé metin sem rauð gönguleið þá telst meirihluti hennar blár. Leiðin er stikuð yfir sanda, urðir og jökulgarða. Landið er ekki allt slétt og nokkuð grýtt á köflum. Þó eru engar teljandi hæðarbreytingar, né yfir óbrúaðar ár og læki að fara þannig að hún ber ekki með sér neina sérstaka erfiðleika fyrir göngufólk. Leiðin er tæplega 15 km löng og gera má ráð fyrir um 5 tímum til að ganga hana. Drykkjarvatn finnst ekki á leiðinni þannig að nauðsynlegt er að taka það með sér.
Hægt er að hefja gönguleiðina frá Vestri-Fellsfjöru eða frá bílastæði við Fjallsárlón.
Tengdar gönguleiðir
Jökulsárlón
Gengið er frá aðalbílastæði í norður í átt að jöklinum og upp á jökulruðninginn sem er kallaður Helguhóll.
Fjallsárlón
Þessi gönguleið liggur um Fjallsárlón þar sem hægt er að virða fyrir sér fallegt lónið og Fjallsjökul.
Eystri-Fellsfjara
Falleg gönguleið sem liggur um Eystri-Fellsfjöru þar sem virða má fyrir sér ísjaka í svörtum sandi.