![](/_next/image?url=https%3A%2F%2Fimages.prismic.io%2Fvatnajokulsthjodgardur%2F0f425800-5640-48d9-991a-d809d978368c_Kreppubr%25C3%25BA2_Agnes.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1100%26h%3D724&w=3840&q=80)
Kreppubrú
Ein af megin inngönguleiðum inn í þjóðgarðinn norðan jökuls er um Kreppubrú. Kreppa er ein af fjórum stórum jökulsám sem rennur undan vesturjaðri Brúarjökuls og sameinast Kverká nokkru norðar og svo Jökulsá á Fjöllum nyrst í Krepputungu. Áin var brúuð sumarið 1970. Þegar komið er yfir Kreppubrú inn í þjóðgarðinn tekur við áningarstaður þar sem gott er að teygja úr sér og nýta þurrsalernið fyrir áframhaldandi ferðalag.
Gönguleiðir
![Horft yfir Kverkfjöll](/_next/image?url=https%3A%2F%2Fimages.prismic.io%2Fvatnajokulsthjodgardur%2F3b9c4042-4575-4b80-9ef1-e43abf7cbd0b_Kverkfj%25C3%25B6ll%2Bs%25C3%25B3lsetur_%25C3%259EM%25C3%259E.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Kverkfjöll
Kverkfjöll eru mikil megineldstöð í norðurbrún Vatnajökuls og þriðji hæsti fjallbálkur landsins á eftir Öræfajökli og Bárðarbungu.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F68be9f37-8f33-4a0b-a14a-3ee4639a573b_Hvannalindir_22_SRR%2B%25281%2529.png%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Hvannalindir
Hvannalindir eru gróðurvin í um 640 m hæð norðan undir Lindahrauni í skjóli af Lindafjöllum og Krepputunguhraunum að vestan og Kreppuhrygg að austan. Lindaá fellur úr suðri niður með hraunjaðrinum við Kreppuhrygg. Í Hvannalindum bætist henni Lindakvísl úr suðvestri þar sem kvíslin liðast milli gróinna bakka fram hjá stökum gíghól sem nefnist Lindakeilir.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fc7605a6d-4a37-450b-ad67-5f1ebc515c00_Askja_20_SEV.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D277%26h%3D196&w=640&q=80)
Askja
Askja er sigdæld í megineldstöðinni Dyngjufjöllum og miðja eldstöðvakerfis með mörgum gosspungum, m.a. Sveinagjárgígaröðinni. Dyngjufjöll hlóðust upp við gos undir ísaldarjökli en Askja myndaðist að stórum hluta í lok ísaldar við stórfellt gjóskugos en þá seig þak kvikuþróarinnar sem er hjarta megineldstöðvarinnar. Eftir varð djúp, hringlaga lægð er síðar tók við hraunum úr eldgosum er urðu á jöðrum sigdældarinnar. Botn Öskju, sem nefnd er eftir öskjulögun sinni, er nú í um 1.100 metra hæð yfir sjávarmáli en hæstir eru barmarnir í 1.300 til rúmlega 1.500 m hæð. Sams konar fyrirbæri í öðrum megineldstöðvum nefnast öll öskjur.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fe4e61d4a-1ffc-490b-8649-1d20c421003a_V%25C3%25B6ktun1_Hbrl_19_JBB.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.50%26fp-y%3D0.37%26w%3D277%26h%3D196&w=640&q=80)