Hörfandi jöklar
Einn tíundi hluti Íslands er hulinn jöklum. Vegna hlýnunar loftslagsins hopa þeir hratt og sumir hafa horfið á síðasta áratug. Þessi fræðsluvefur er hluti af verkefninu Hörfandi jöklar og hér finnur þú upplýsingar um rannsóknir, fræðin og afleiðingar hörfandi jökla.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fdda57684-1618-426c-9463-2034b59e4c22_3_10b_skridjokull_sg_HJ.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fbff27b9e-bc51-45ef-b113-1622337e5bbe_H%25C3%25B6rfandi%2Bj%25C3%25B6klar%2Bt%25C3%25A1kn.png%3Fauto%3Dformat%26crop%3Dfaces%252Cedges%26fit%3Dcrop%26w%3D800%26h%3D565.7924743443558&w=3840&q=80)
Hörfandi jöklar
Verkefnið er samvinnuverkefni Vatnajökulsþjóðgarðs og Veðurstofu Íslands, fjármagnað af umhverfis- og auðlindaráðuneytinu, og unnið í samvinnu við Náttúrustofu Suðausturlands og Jöklahóp Jarðvísindastofnunar Háskólans.
Markmið verkefnisins, sem er hluti af sóknaráætlun Íslands í loftslagsmálum, er að auka vitund fólks um loftslagsbreytingar og áhrif þeirra á jökla á Íslandi sem og annars staðar á jörðinni.
Fréttabréf Hörfandi jökla
Árlega er gefið út yfirlit um íslenska jöka sem hafa hopað hratt í um aldarfjórðung og er rýrnun þeirra einhver skýrasti vitnisburður hérlendis um hlýnandi loftslag. Í fréttabréfunum er gerð stutt grein fyrir breytingum á jöklunum síðan um aldamótin 1900 og lýst niðurstöðum mælinga á stöðu jökulsporða, afkomu jökla og landlyftingu á síðustu árum. Birt eru uppfærð kort af legu jökulsporða og uppfærðar teikningar af afkomu jökla með mælingum ársins.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F301400da-26d6-462c-a205-c7d28992ee5e_sk%25C3%25A1lafellsj%25C3%25B6kull%2Bog%2Bheinabergsj%25C3%25B6kull_Sn%25C3%25A6varr%2BGu%25C3%25B0mundsson_HJ.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D800%26h%3D605.8333333333334&w=3840&q=80)
Loftslagsbreytingar & jöklar
Loftslag fer hlýnandi um allan heim og nemur hlýnunin á síðustu 100 árum að meðaltali um 0,8°C við yfirborð jarðar, en hitastigsaukningin er um tvöfalt meiri á norðurslóðum.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F2c48fa1a-8817-4ae9-86f4-8c0304c7e6b6_Skaft%25C3%25A1rketill%2Beystri%2B10%2Bokt%2B2015_Oddur%2BSigur%25C3%25B0son_HJ.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D800%26h%3D504.5833333333333&w=3840&q=80)
Jöklarannsóknir
Tilvist jökla er mjög háð veðurfari og því nýtast ýmsar niðurstöður jöklarannsókna við könnun á sögu og áhrifum veðurfarsbreytinga. Íssjármælingar, sporðamælingar og afkomu- og veðurmælingar eru dæmi um jöklarannsóknir.