Komdu og upplifðu Vatnajökulsþjóðgarð
Landssvæði þjóðgarðsins er stórbrotið enda mótað af samspili elds og íss.
Vetraraðstæður við Dettifoss
Í byrjun október mætti snjórinn og frostið við Dettifos. Það þýðir, að þrátt fyrir að það geti komið hlýrri dagar að þá má engu að síður búast við vetraraðstæðum fram á vor. Aðstæður á stígum breytast oft og stundum hratt. Af öryggisástæðum hefur stígum sem liggja nærri brúnum verið lokað fyrir veturinn. Opnuð hefur verið vetrarleið að útsýnispalli norðan við fossinn. Lesa meira
Endurnýjun og tímabundin lokun á palli við Botnstjörn í Ásbyrgi
Pallurinn við Botnstjörn er kominn til ára sinna og einstaklega gleðilegt að nú skuli vera komið að endurnýjun á honum. Framkvæmdir hefjast 14. október nk. og lokað verður fyrir aðgengi að pallinum meðan á þeim stendur. Lesa meira
Komdu í heimsókn
– svæði þjóðgarðsins
Ýttu á punktana til að skoða svæðin og staðsetningu á gestastofum
Auglýst er eftir umsóknum um atvinnutengda starfsemi í Vatnajökulsþjóðgarði
Þurrsalernissumarið mikla á norðurhálendi
Laust starf: Landvörður á Breiðamerkursandi
Sjálfbærniuppgjör og aðgerðaráætlun í umhverfis- og loftslagsmálum
Árétting vegna umfjöllunar í „Þetta helst“ á RÚV 31.október síðastliðinn
Helga Hvanndal Björnsdóttir ráðin sem aðstoðarþjóðgarðsvörður í afleysingu
Skipuleggðu ferðalagið
Vatnajökulsþjóðgarður býður upp á fjölbreytta möguleika til útvistar í stórbrotinni náttúru. Skoðaðu gestastofur, áfangastaði og þjónustu eins og tjaldsvæði og skálagistingu.
Góð ferðaráð fyrir þig og náttúruna
Við viljum hjálpa þér og náttúrunni að njóta ferðalagsins. Undirbúningur er lykillinn að góðu ferðalagi, að þekkja til aðstæðna á svæðinu og kynna sér færð og veður.
Þjóðgarður elds og ísa
- fræðsla og uppgötvun
Þjóðgarður elds og ísa
- fræðsla og uppgötvun
Vatnajökulsþjóðgarður er einstakur á heimsvísu vegna jarðsögu sinnar sem einkum er skrifuð af átökum elds og íss. Þjóðgarðurinn skartar eldfjöllum, jöklum en einnig átökum flekaskila, möttulstróks og hveljökuls. Samspils þessara fyrirbæra og annarra landmótunarafla hefur skapað fjölbreyttari náttúru en finna má á nokkru afmörkuðu svæði í heiminum og er ástæða þess að þjóðgarðurinn er á heimsminjaskrá UNESCO.
Hvað er heimsminjaskrá?
Heimsminjar eiga oft stóran sess í sögu og sjálfsmynd þjóða. Til að komast á heimsminjaskrá UNESCO þarf staður eða fyrirbæri að hafa það sem kallað er einstakt gildi á heimsvísu. Vatnajökulsþjóðgarður var samþykktur á heimsminjaskránna hinn 5. júlí 2019 á grundvelli einstakrar náttúru.
Hörfandi jöklar
Upplýsingar um loftslagsbreytingar og áhrif þeirra á jökla á Íslandi sem og annars staðar á jörðinni. Jöklar á Íslandi hafa hopað hratt í rúma tvo áratugi og er rýrnun þeirra einhver helsta afleiðing hlýnandi loftslags hérlendis og skýr vitnisburður um hlýnunina.
Náttúra & saga
Náttúra Vatnajökulsþjóðgarðs er kvik og síbreytileg. Eldvirknin byggir landið upp en roföflin, jöklar, vatn og vindar, brjóta það niður. Ungt landið tekur stöðugum breytingum. Jöklar hörfa, jökulár hlaupa fram og breyta um farveg og jökullón verða til, stækka eða tæmast. Gróður nemur land og vex hann og dafnar lengur en getur þó á endanum þurft að láta undan roföflum náttúrunnar. Dýralíf mótast af gróðurfari hvers tíma og mannlífið mótast af kraftmiklum og kvikum náttúruöflunum.
Þjóðgarðurinn okkar
- leiðandi í sjálfbærni
Þjóðgarðurinn okkar
- leiðandi í sjálfbærni
Stefna Vatnajökulsþjóðgarðs
Mikið uppbyggingastarf hefur átt sér stað í Vatnajökulsþjóðgarði á undanförnum árum. Mikilvægt er að þróa starfsemina áfram með markvissum hætti. Ákveðið var undir lok árs 2020 að skerpa kúrsinn, móta skýra stefnu og varða leiðina til næstu ára. Meginmarkmið í stefnunni eru verndun, upplifun, sköpun og stjórnun.
Stjórnunar - og verndaráætlun
Stjórnunar- og verndaráætlun er aðalstjórntæki þjóðgarðsins. Áætlunin er byggð á tillögum svæðisráða og stjórnar og mótuð í samráði við hagsmunaaðila. Tilgangur hennar er að feta slóð jafnvægis milli verndunar og landnýtingar með grunnstefið fólgið í markmiðum þjóðgarðsins um verndun, aðgengi, fræðslu og byggðaþróun.
Viltu hafa samband?
Sendu okkur inn fyrirspurn og við svörum eins fljótt og auðið er.